"கோலி எல்லாவற்றையும் மாற்றுவார் என்ற நம்பிக்கை உள்ளது" - சவுரவ் கங்குலி!

Updated: 16 October 2019 11:50 IST

நாக்-அவுட் கட்டங்களில் அணியின் செயல்பாட்டை விமர்சித்த போதிலும், கோலியின் தலைமை குறித்து கங்குலி நம்பிக்கையுடன் இருப்பதாக கூறினார்.

Virat Kohli Gets Backing Of Sourav Ganguly To Turn Things Around And Win ICC Events
விராட் கோலி ஒரு சாம்பியன் வீரர் என்று சவுரவ் கங்குலி கூறினார். © AFP

நாட்டின் கிரிக்கெட் விவகாரங்களை நிர்வகிக்கும் பி.சி.சி.ஐ, அக்டோபர் 23 ம் தேதி புதிய தலைவரை பெற உள்ளது. நிர்வாக மட்டத்தில் புதிய இன்னிங்ஸைத் தொடங்கத் தயாராக உள்ள முன்னாள் இந்திய கேப்டன் சவுரவ் கங்குலி, விராட் கோலி தன்னுடைய தலைமையில் ஒரு புதிய இடத்தை நோக்கி பயணம் செய்ய வேண்டும் என்று விரும்புகிறார். டீம் இந்தியாவின் செயல்திறனைப் பாராட்டும் அதே வேளையில், முன்னாள் இந்திய கேப்டன் 2013 முதல் இந்திய அணி ஒரு ஐசிசி போட்டியில் கூட வெல்லவில்லை என்பதை சுட்டிக்காட்டுவதில் எந்த தயக்கமும் காட்டவில்லை. செய்தியாளர்களிடம் பேசிய கங்குலி, அணி எப்போதும் "பெரிய போட்டிகளில் சிறப்பாக விளையாடுகிறது", ஆனால் இப்போது அவர்களின் கவனம் சர்வதேச கிரிக்கெட் கவுன்சில் (ஐ.சி.சி) ஏற்பாடு செய்த பல தேச போட்டிகளில் வெற்றி பெறுவதில் அதிக கவனம் செலுத்த வேண்டும் என்று கூறினார். நாக்-அவுட் கட்டங்களில் அணியின் செயல்பாட்டை விமர்சித்த போதிலும், கோலியின் தலைமை குறித்து கங்குலி நம்பிக்கையுடன் இருப்பதாக கூறினார். மேலும், அரையிறுதி மற்றும் ஐ.சி.சி நிகழ்வுகளில் இறுதிப் போட்டியில் தோல்வியடையும் போக்கை மாற்றியமைக்க வேண்டும் என்று கூறி கோலிக்கு ஆதரவு தெரிவித்தார்.

"இந்தியா ஒரு நல்ல அணி. அவர்கள் ஒரு பெரிய போட்டியை வெல்லவில்லை என்பது எனக்குத் தெரியும். ஆனால் அவர்கள் அரையிறுதி மற்றும் இறுதிப் போட்டிகளைத் தவிர பெரிய போட்டிகளில் சிறப்பாக விளையாடுகிறார்கள். விராட் அதை மாற்ற முடியும் என்று நம்புகிறேன். அவர் ஒரு சாம்பியன் வீரர்" என்று கங்குலி செய்தியாளர்களிடம் கூறினார்.

உலக அரங்கில் இந்தியாவின் கடைசி பெரிய வெற்றி 2013ம் ஆண்டு தோனி  தலைமையிலான ஒரு இளம் இந்திய அணியை இங்கிலாந்தில் நடந்த ஐ.சி.சி சாம்பியன்ஸ் கோப்பையில் வென்றது.

அதற்கு முன்னர் இந்தியா 50 ஓவர் உலக விளையாட்டை தங்கள் சொந்த நாட்டு மக்கள் முன்னால் வென்றது - அதுவும் தோனியின் தலைமையில்.

கோலியின் தலைமையில், இந்திய அணி சிறப்பான கிரிக்கெட்டை விளையாட முடிந்தது, மேலும் வெளிநாடுகளில் விளையாடி வெற்றியையும் சுவைத்திருக்கிறது. இந்தியாவின் முதல் டெஸ்ட் தொடர் டவுன் அண்டர் வெற்றி அவர்களின் மேம்பட்ட செயல்திறனுக்கு சான்றாகும். 

இருப்பினும், பெரிய ஐ.சி.சி நிகழ்வுகளின் நாக்-அவுட் கட்டங்களில் வீரர்கள் அழுத்தத்திற்கு ஆளாகியுள்ளனர். கோலியின் தலைமைக்கு கீழ், இந்தியா மூன்று முறை - உலக டி20 (2016), ஐசிசி சாம்பியன்ஸ் டிராபி (2017) மற்றும் யூனைடட் கிங்கடமில் 50 ஓவர் உலகக் கோப்பை (2019) ஆகியவற்றில் - போன்ற பல நாடுகளின் நிகழ்வுகளில் இருந்து நாக் அவுட் செய்யப்பட்டுள்ளது.

2016 உலக டி20 போட்டியில் அரையிறுதியில் மேற்கிந்தியத் தீவுகளிடம் தோல்வியடைந்த பின்னர் இந்தியா வெளியேறியது. அதே நேரத்தில் 2017 சாம்பியன்ஸ் டிராபியில் பாகிஸ்தானிடம் மோதி ரன்னர்-அப் ஆனது. நியூசிலாந்திடம் அரையிறுதியில் தோற்று வெளியேறிய பின்னர், 2019 உலகக் கோப்பை பயணம் முடிவுக்கு வந்தது.

Comments
தொடர்புடைய கட்டுரைகள்
"பிங்க் பந்து குறித்து கனவு காண்கிறேன்" - ரஹானே பதிவுக்கு பதிலளித்த கோலி, தவான்!
"பிங்க் பந்து குறித்து கனவு காண்கிறேன்" - ரஹானே பதிவுக்கு பதிலளித்த கோலி, தவான்!
கோலி மற்றும் ரஹானே கொல்கத்தாவுக்கு முதலில் வந்ததாக தகவல்!
கோலி மற்றும் ரஹானே கொல்கத்தாவுக்கு முதலில் வந்ததாக தகவல்!
"ஈடன் கார்டனில் பகல்-இரவு டெஸ்ட்டுக்கு கூட்டம் நிரம்பியிருக்கும்" - சவுரவ் கங்குலி!
"ஈடன் கார்டனில் பகல்-இரவு டெஸ்ட்டுக்கு கூட்டம் நிரம்பியிருக்கும்" - சவுரவ் கங்குலி!
இந்தியா vs பங்களாதேஷ்: MS Dhoni-யின் சாதனையை முறியடித்த Virat Kohli....!
இந்தியா vs பங்களாதேஷ்: MS Dhoni-யின் சாதனையை முறியடித்த Virat Kohli....!
India vs Bangladesh: பிசிசிஐ வெளியிட்ட விராட் கோலி, மயங்க் அகர்வாலின் உரையாடல்!
India vs Bangladesh: பிசிசிஐ வெளியிட்ட விராட் கோலி, மயங்க் அகர்வாலின் உரையாடல்!
Advertisement