"பிசிசிஐ-யை கடவுள் தான் காப்பாற்ற வேண்டும்" - சவுரவ் கங்குலி

Updated: 07 August 2019 13:05 IST

குப்தா அளித்துள்ள புகாரில் ட்ராவிட் தேசிய கிரிக்கெட் அகாடமியின் தலைவராகவும், இந்தியா சிமெண்ட்ஸின் துணைத்தலைவராகவும் இருக்கிறார் என்று குறிப்பிட்டுள்ளார்.

BCCIs Conflict Of Interest Notice To Rahul Dravid Upsets Sourav Ganguly
ட்ராவிட்டுக்கு நோட்டீஸ் அனுப்பியுள்ளதற்காக தனது கண்டனத்தை பதிவு செய்துள்ளார் கங்குலி. © AFP

இந்திய முன்னாள் கேப்டன் சவுரவ் கங்குலி பிசிசிஐ நிர்வாகத்தை கடுமையாக சாடியுள்ளார். ட்ராவிட்டுக்கு நோட்டீஸ் அனுப்பியுள்ளதற்காக தனது கண்டனத்தை பதிவு செய்துள்ளார். கங்குலி தனது ட்விட்டர் பக்கத்தில் ''புது பேஷனாக இந்திய அணி உள்ளது. கருத்து முரண்பாடு. செய்தி வெளிச்சத்திலேயே உள்ளது. கடவுள்தான் இந்திய கிரிக்கெட்டுக்கு உதவ வேண்டும். ட்ராவிட்டுக்கு பிசிசிஐயிடமிருந்து நோட்டிஸ் அனுப்பப்பட்டுள்ளது" என்று கூறியுள்ளார். 

தற்போது தேசிய கிரிக்கெட் அகாடமியின் தலைவராக இருக்கும் ராகுல் ட்ராவிட்க்கு பிசிசிஐ நோட்டிஸ் அனுப்பியுள்ளது. மத்திய பிரதேச கிரிக்கெட் அசோஷியேசனின் உறுப்பினர் குப்தா அளித்த புகாரின் பேரில் ட்ராவிட்டுக்கு நோட்டிஸ் வழங்கப்பட்டுள்ளதாக ஓம்பட்ஸ்மேன் தலைவர் ஜெயின் தெரிவித்துள்ளார். 

குப்தா அளித்துள்ள புகாரில் ட்ராவிட் தேசிய கிரிக்கெட் அகாடமியின் தலைவராகவும், இந்தியா சிமெண்ட்ஸின் துணைத்தலைவராகவும் இருக்கிறார் என்று குறிப்பிட்டுள்ளார்.

இதனை பிசிசிஐ ஓம்பட்ஸ்மன் தலைவர் ஜெயின், ட்ராவிட் மீது அளிக்கப்பட்டுள்ள புகாருக்கு 2 வாரத்துக்குள் விளக்கமளிக்குமாறு நோட்டிஸ் அனுப்புயுள்ளதாக தெரிவித்தார்.

ஆகஸ்ட் 16ம் தேதி ஆஜராகி தனது விளக்கத்தை ட்ராவிட் அறிவிப்பார் என்று எதிர்பார்க்கப்படுகிறது. 

இதே குப்தாதான் சச்சின் மற்றும் லட்சுமணினின்  இரட்டை பதவி விஷயத்தை வழக்காக தொடர்ந்தது. அதில் இருவரும் ஆலோசனைக்குழுவிலும், ஐபிஎல் அணிகளுக்கும் பணியாற்றுவதாக குற்றம் சாட்டினார்.

டெண்டுல்கர் தான் மும்பை அணியிடமிருந்து ஒரு ரூபாய் கூட வாங்குவதில்லை என்றும், இனி ஆலோசனைக்குழுவில் இடம்பெற போவதில்லை என்றும் அறிவித்தார். இதே நிலைப்பாட்டையே லட்சுமணனும் அளித்தார்.

இன்னோரு உறுப்பினர் அந்த சமயத்தில் கங்குலி மீதும் இதே குற்றசாட்டை வழக்காக பதிவு செய்தார். 

Comments
தொடர்புடைய கட்டுரைகள்
“நான் தவறாக கூறவில்லை...” - மீண்டும் டெண்டுல்கரை கிண்டல் செய்த கங்குலி!
“நான் தவறாக கூறவில்லை...” - மீண்டும் டெண்டுல்கரை கிண்டல் செய்த கங்குலி!
புதிய தேர்வுக்குழு தென்னாப்பிரிக்காவுக்கு எதிரான அணியை தேர்வு செய்யவுள்ளது - கங்குலி!
புதிய தேர்வுக்குழு தென்னாப்பிரிக்காவுக்கு எதிரான அணியை தேர்வு செய்யவுள்ளது - கங்குலி!
"சவுரவ் கங்குலி டெஸ்ட் கிரிக்கெட்டை இறக்க விட மாட்டார்" - சோயிப் அக்தர்
"சவுரவ் கங்குலி டெஸ்ட் கிரிக்கெட்டை இறக்க விட மாட்டார்" - சோயிப் அக்தர்
"இருதரப்பு போட்டிகளை கங்குலி மீண்டும் தொடங்க முடியும்" - ரஷீத் லத்தீப்
"இருதரப்பு போட்டிகளை கங்குலி மீண்டும் தொடங்க முடியும்" - ரஷீத் லத்தீப்
ரவி சாஸ்திரியின் பதிவில் புத்தாண்டு வாழ்த்து சொன்ன மைக்கேல் வாகன்!
ரவி சாஸ்திரியின் பதிவில் புத்தாண்டு வாழ்த்து சொன்ன மைக்கேல் வாகன்!
Advertisement